Úkimet basshysynyń qurmet belgisimen marapattaldy
ASTANA. Qańtardyń 14-i. QazAqparat - Búgin 2011 jyly ótetin 7-shi Azııa oıyndaryn ótkizý jáne daıyndalý jónindegi uıymdastyrý komıtetiniń otyrysy boldy.
Onda 2009 jyly qazannyń 2-9-y aralyǵynda Dúnıejúzilik týrıstik uıym Bas assambleıasynyń 18-shi sessııasyn uıymdastyrýda jáne ótkizýde sińirgen eńbekteri úshin birqatar azamattar QR Premer-Mınıstrdiń qurmet belgisimen marapattaldy. Bul aqparatty QR Sport jáne týrızm mınıstrliginiń baspasóz qyzmeti taratyp otyr.
Marapattalǵandar arasynda QR Sport jáne týrızm mınıstri T.Dosmuhambetov, Densaýlyq saqtaý mınıstri J.Dosqalıev, Bilim jáne ǵylym mınıstri J.Túımebaev, Memlekettik hatshy - Syrtqy ister mınıstri Q.Saýdabaev, Mádenıet jáne aqparat mınıstri M.Qul-Muhamed, Іshki ister mınıstri S.Baımaǵanbetov, Ulttyq ǵarysh agenttiginiń tóraǵasy T.Musabaev, sondaı-aq Astana men Almaty qalalarynyń, Aqmola men Qyzylorda oblystarynyń ákimderi bar.
Aıta keteıik, Qazaqstan postkeńestik jáne Ortalyq Azııa aýmaǵynda osyndaı mártebeli uıymnyń alqaly jıynyn eń birinshi bolyp ótkizdi. Álemdik deńgeıdegi týrıstik forýmǵa 146 eldiń ókili qatysyp, ony Elbasy N.Nazarbaev quttyqtaý sózimen ashty. Sport jáne týrızm mınıstriniń aıtýynsha, Bas assambleıa elimizdiń týrıstik jáne ınvestıtsııalyq tartymdylyǵynyń artýyna múmkindik berdi.
