Úkimet basshysynyń qatysýymen Astana-Temirtaý baǵytyndaǵy jańa 4 jolaqty jol qurylysy bastaldy

Astana-Temirtaý baǵytyndaǵy joldy 2016 jyly aıaqtaý kózdelýde. Jańa ınnovatsııalyq tehnologııalarmen salynatyn avtojol 4 jolaqty bolmaq.

«Biz úshin kólik tranzıtiniń áleýeti óte joǵary. Bizdiń ekonomıkamyzǵa asa qajet. Qazaqstan úshin kólik ınfraqurylymyn damytýǵa úlken mán berilýde. Jyl saıyn qarjylandyrý ósip keledi. Aǵymdaǵy jyly 2000 shaqyrymnan astam jergilikti joldar jóndeýden ótedi. Sonymen qatar Astana - Qostanaı - Chelıabi baǵytyndaǵy jol jóndeý aıaqtalady. Batys Qytaı - Batys Eýropa halyqaralyq dáliziniń qurylysy qarqyndy salynýda. Elbasynyń tapsyrmasymen «Ortalyq - Ońtústik», «Ortalyq - Shyǵys», «Ortalyq - Batys» baǵyttarynda avtojol qurylysy bastalady. Ol Astanany elimizdiń damyǵan óńirlerimen baılanystyrady. Osy jyly Astana - Pavlodar, Astana - Qaraǵandy, Almaty - Qapshaǵaı baǵyttarynyń qurylysy bastalady. Astana - Qaraǵandy arasyndaǵy kólik qatynasy óte aýqymdy. Onyń qurylysy eń ınnovatsııalyq, eń ozyq tehnologııalarmen salynyp, 4 jolaqty beton joly bolady»,-dep atap ótti S. Ahmetov jýrnalısterge bergen suhbatynda.

Jyl saıyn Astana - Qaraǵandy baǵytynda 50-ge tarta iri jol kólik apattary oryn alady. Onda 30-ǵa tarta adam qaza taýyp, 100-den astam adam jaraqattanady. Jańa jol salý arqyly bul kórsetkish birneshe ese tómendeıdi dep kútilýde.