Úkimet basshysynyń aǵymdaǵy aptadaǵy jumys kestesi
ASTANA. 11 naýryz. QazAqparat - Búgin Astanada ótken brıfıng barysynda QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev QR Úkimeti basshysynyń aǵymdaǵy aptadaǵy jumys kestesimen tanystyrdy.
Onyń sózine qaraǵanda, búgin Premer-Mınıstr Serik Ahmetov «Jol kartasy» baǵdarlamasy boıynsha jumyspen qamtýdyń iske asyrylýy máseleleri jóninde keńestiń kezekti májilisin ótkizedi.
«Al, erteń S. Ahmetovtiń tóraǵalyǵymen Úkimet otyrysy ótedi. Onyń barysynda kásipkerlik pen bıznes ahýaldy jaqsartý máselelerin talqylaý josparlanǵan», - dedi resmı ókil.
Sonymen qatar, 12 naýryzda Ekonomıkalyq saıasat jónindegi keńestiń kezekti otyrysy bolady. Onyń barysynda áleýmettik-ekonomıkalyq damý, zeınetaqy júıesin jetildirý, jańa qarjylyq nesıelik saıasat pen jańa bıýdjettik saıasat tujyrymdamasy sekildi mańyzdy máseleler talqylanbaq.
«Al 14 naýryzda Premer-Mınıstr jumys saparymen Almatyda bolady. Onyń aıasynda kásipkerlerge qyzmet kórsetý ortalyǵy men naqty sektordyń nysandaryna barady dep kózdelýde. Sapar barysynda Úkimet basshysy iskerlik top ókilderimen kezdesip, qalanyń damý máseleleri boıynsha otyrys ótkizedi», - dedi A. Ábıbýllaev.
