Úkimet basshysyna Qazaqstan terrıtorııasyn uıymdastyrý bas syzbasy tanystyrylady
ASTANA. 14 qarasha. QazAqparat - Úkimet basshysyna Qazaqstan terrıtorııasyn uıymdastyrý bas syzbasy tanystyrylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Óńirlik damý mınıstri Bolat Jámishev málim etti.
«Osy senbide Premer-Mınıstrge Qazaqstan Respýblıkasynyń terrıtorııasyn uıymdastyrý bas syzbasy tanystyrylady», - dedi ol.
Onyń atap ótýinshe, elimizdiń aýmaǵynyń bas syzbasy 2030 jylǵa deıin arnalǵan. Atalǵan qujat qolda bar barlyq memlekettik salalyq, óńirlik baǵdarlamalardyń, jobalardyń negizinde qalyptasqan. «Bul - terrıtorııalardy damytýdyń perspektıvasyn anyqtaıtyn basty qural bolyp tabylatyn keshendi qujat», - dedi B.Jámishev.
