Úkimet basshysyna Batys Qazaqstan mashına jasaý kompanııasynyń óndirisi kórsetildi
ASTANA. QazAqparat - QR Premer-Mınıstri Baqytjan Saǵyntaev Batys Qazaqstan oblysyna jumys sapary barysynda iri joǵary tehnologııalyq óndiris kesheni - Batys Qazaqstan mashına jasaý kompanııasynyń jumysymen tanysty.
Bul týraly primeminister.kz habarlady.
Nysandy aralaý barysynda B. Saǵyntaevqa gaz týrbınalary men munaı-gaz jabdyqtaryn óndiretin tsehti jóndeý jumystary júrgiziletin servıstik ortalyqtyń jumysy týraly baıandaldy.
Mashına jasaý kompanııasy metall qurastyrylymdaryn, turǵyn mobıldi ǵımarattaryn, qurylys jabdyqtaryn jáne aýyl sharýashylyǵy jabdyqtaryn shyǵarýmen aınalysatyn joǵary tehnologııalyq óndiristik keshen. Sonymen qatar, zaýyt elimizdiń qorǵanys ónerkásibiniń mańyzdy quramdas bóligi bolyp tabylatyn áskerı jáne azamattyq mańyzǵa ıe avıatsııalyq qozǵaltqyshtardy jóndeý jumystaryn da júrgizedi.
Budan ózge, QR Prezıdentiniń tapsyrmasymen kásiporyn bazasynda General Electric kompanııasymen birlesken túrde, atalǵan fırma jabdyqtarynyń jumystaryn oryndaýǵa qaýqarly Qazaqstandaǵy jalǵyz resmı ortalyq bolyp tabylatyn gaz týrbınalaryn jóndeıtin sertıfıkattalǵan servıstik ortalyq quryldy.
