Úkimet basshysyn shegirtke máselesi alańdatýda
ASTANA Naýryzdyń 29-y. QazAqparat /Arman Asqarov/ - Úkimettiń búgingi selektorlyq keńesinde QR Premer-Mınıstri Kárim Másimov kóktemgi egin naýqanyna daıyndyq jumystaryn joǵary baǵalady,
dep habarlaıdy QazAqparat.
«Menińshe, QR Aýyl sharýashylyǵy mınıstrligi jáne QR Munaı jáne gaz mınıstrligi júrgizip jatqan kóktemgi egin naýqanyna daıyndyq jumystaryn joǵary baǵalaýǵa bolady. Eń bastysy, bizde buǵan deıin bolǵan janar-jaǵarmaı máselesi ýshyǵyp turǵan joq. Endi kezekti qolǵa alǵan barlyq kelisimder men is-sharalardy aıaǵyna deıin jetkizý kerek», dedi K. Másimov.
Osy oraıda Úkimet basshysy shegirtke máselesine alańdaýshylyq bildirdi. «Meniń bilýimshe, bıyl kóktem qysqa bolyp, qystan keıin birden jaz shyǵýy yqtımal. Sondyqtan aýa raıy shegirtkeniń taralýyna qolaıly jaǵdaı týǵyzyp tur. Osy máselege basa nazar aýdarǵan jón», dep atap kórsetti K. Másimov.
QR Premer-Mınıstriniń aıtýynsha, kóktemgi egin naýqanyna daıyndyq jumystaryna qatysty kezekti selektorlyq keńesti mamyrdyń basynda ótkizý josparlanǵan.
