Úkimet basshysy jumys istep turǵan IIDMB jobalaryn tekserdi
Nysandy aralaý barysynda Baqytjan Saǵyntaevqa IIDMB-2 aıasynda júzege asyrylyp jatqan jobalar týraly, sondaı-aq arnaıy ekonomıkalyq aımaqtyń qazirgi jaǵdaıy men damý perspektıvalary týraly baıandaldy. Jalpy óńirde 2018 jyly memlekettik baǵdarlama aıasynda 689 jańa jumys ornyn qurýmen tórt ónerkásiptik jobany iske asyrý josparlanyp otyr.
Qaraǵandy oblysy ákiminiń orynbasary A. Aıdarov «Saryarqa» AEA aýmaǵynda 15 qatysýshy tirkelgenin aıtty. Metallýrgııa ónerkásibin jáne metall óńdeý salasyn damytý, atap aıtqanda álemdik saýda markalaryn óndirýshilerdi tartý arqyly daıyn ónim óndirisin damytý qyzmettiń basym baǵyttary sanalady.
01.04.2018 jylǵy jaǵdaı boıynsha óndiristik ónim kólemi 50,9 mlrd tg qurady, eksport kólemi - 28,2 mlrd tg. Investıtsııalar kólemi - 44,1 mlrd tg, sonyń ishinde «Bemer Armatýra» - 3,1 mlrd tg, «Recycling Company» - 3,4 mlrd tg qurady.
«Bemer Armatýra» zaýytynyń bas dırektory Kefer Andreas zaýyt iske qosylǵan sátten beri jalpy somasy 7,4 mlrd teńgege 14 myńnan astam ónim shyǵarylǵanyn aıtty. Keleshekte osynda shyǵarylatyn sharly krandar men ilmekti armatýra «Saryarqa» magıstraldi gaz qubyryn salý kezinde paıdalanylatyn bolady dep josparlanýda.
AEA aýmaǵyndaǵy kelesi nysan paıdalanýdan shyqqan kólik quraldaryn kádege jaratý salasyndaǵy Ortalyq Azııa óńirindegi alǵashqy ári jalǵyz zaýyt - «RecyclingCompany» boldy.
Kásiporynda Baqytjan Saǵyntaev eski avtokólikterdi kádege jaratý úshin jınaıtyn óndiris úrdisimen tanysty, sondaı-aq ónerkásiptiń túrli salalarynda odan ári paıdalaný úshin qaldyqtardan metall qorytpalary men pesh otynynyń analogy shyǵarylatyn pırolız jáne balqytý tsehtaryn tekserdi.
«RecyclingCompany» bas dırektory Aleksandr Rıabının joba 2017 jyldyń jeltoqsan aıynda iske qosylǵanyn aıtty. Onyń qýattylyǵy jylyna 50 myńǵa jýyq mashınany paıdaǵa asyrýǵa múmkindik beredi. 2018 jyldyń І toqsanynda 150 tonna metall qorytpasy men 7 tonna pesh otynynyń analogy óndirildi. Munda 100 jumys orny qurylǵan. Basty maqsat - qorshaǵan orta men halyq densaýlyǵyn qorǵaý, sondaı-aq atmosferaǵa shyǵarylatyn zııandy zattardan, paıdalanýdan shyqqan avtokólikterdiń saldarynan bolatyn teris áserdi azaıtý.
Anyqtama: «Saryarqa» arnaıy ekonomıkalyq aımaǵy QR Prezıdentiniń 24.11.2011 jylǵy Jarlyǵymen qurylǵan. AEA negizgi maqsattary - metallýrgııa ónerkásibi men metall óńdeý salasyn damytý, metallýrgııa ónerkásibin qurý jáne damytý boıynsha serpilisti ınvestıtsııalyq jobalardy ázirleý ári iske asyrý, qazaqstandyq ónimdi álemdik óndiris jáne ótkizý júıesine biriktirý, halyqaralyq standarttarǵa sáıkes ınnovatsııalyq, básekege qabiletti otandyq ónimderdi shyǵarý, qolaıly ınvestıtsııalyq ahýal jasaý jáne jobalardy iske asyrý úshin otandyq jáne sheteldik ınvestıtsııalardy tartý.
AEA Qaraǵandy qalasynyń aýmaǵynda jáne Buhar Jyraý aýdanynyń irgeles jerlerinde - Kókpekti aýylynyń mańynda ornalasqan. AEA aýmaǵy - 534,9 ga quraıdy. Infraqurylym aýdany - 294 ga. 240 gektar aýmaqta alty qatysýshy qyzmetterin belsendi túrde damytýda:
1. «Bemer Armatýra» - sharly krandar men ilmekti armatýra shyǵarý jobasy, qýattylyǵy jylyna 10 myń dana, joba 2014 jyly Böhmer GmbH nemis kompanııasynyń qatysýymen júzege asyrylǵan;
2. «Isoplus Ortalyq Azııa» - oqshaýlandyrylǵan qubyrlar shyǵarý jobasy, qýattylyǵy jylyna 15 myń tonna, joba 2014 jyly Isoplus GmbH nemis kompanııasynyń qatysýymen júzege asyrylǵan;
3. «Tau-Ken Temir» - tehnıkalyq kremnıı shyǵarý jobasy, qýattylyǵy jylyna 24 myń tonna, QR Prezıdentiniń 02.10.2015 jylǵy № 95 Jarlyǵyna sáıkes AEA aýmaǵy kremnıı zaýyt aýmaǵynyń sýbaımaǵyn qosý esebinen keńeıtilgen;
4. Oqshaýlandyrylǵan qubyrlar shyǵarý jobasy, qýattylyǵy jylyna 29 myń tonna, joba 2015 jyly Hyunwoo ENC Co., Ltd Ońtústik Koreıa kompanııasynyń qatysýymen júzege asyrylǵan. 2018 jyldyń ІІ toqsanynan bastap ónim óndirýdi bastaý kózdelgen.
5. «Seven Refractories Asia» - otqa tózimdi materıaldar shyǵarý jobasy, qýattylyǵy jylyna 38 myń tonna, jobany 2017 jyly Seven Refractories GmbH Avstrııa kompanııasy iske qosqan.
6. «Recycling Company» - kólik quraldaryn qaıta óńdeý jobasy, qýattylyǵy jylyna 50 myń kólik, joba 2017 jyly iske qosylǵan.
2018 jyly «Saryarqa» AEA aýmaǵynda jez buıymdary men polımerbetondy buıymdar shyǵarý boıynsha ınvestıtsııalyq jobalar iske qosylady.
