Úkimet basshysy jastar máselesi boıynsha qujattardyń sapaly oryndalýyn baqylaýdy kúsheıtýdi tapsyrdy

Bundaı tapsyrmany Premer-Mınıstr búgin Úkimet otyrysynda júktedi.

«Búginde halqymyzdyń 4/1-in jastar qurap otyr. Olarǵa elimizde tıisti jaǵdaı jasalyp otyr. Elbasy tapsyrmalary boıynsha qajetti zańdar men baǵdarlamalar qabyldanýda. Osy qujattardyń ár oblysta, ár eldi mekende sapaly oryndalýyn baqylaýdy kúsheıtý kerek», - dedi Úkimet basshysy.

 Osy oraıda Bilim jáne ǵylym mınıstrligine, memlekettik organdarmen jáne jergilikti ákimdermen birge Elbasy tapsyrmalaryn sapaly oryndaý úshin qajetti sharalardy qabyldaý tapsyryldy. Atalǵan jumysty baqylaý Úkimet basshysynyń orynbasary Erbol Orynbaevqa júkteldi. «Memleket basshysynyń qatysýymen «Nur Otan» HDP  «Jas Otan» jastar qanatynyń 2-i sezi ótti. Ózderińiz bilesizder, jastar máselesi qashanda Prezıdentimizdiń erekshe nazarynda. Olarǵa qamqorlyq, jan-jaqty qoldaý -  memlekettik saıasattyń basty baǵyttarynyń biri. Osy jıynda Elbasy Úkimetke jastar saıasatynyń iske asýyna qatysty birqatar tapsyrmalar berdi. Onyń ishinde jumyspen qamtý, baspana salý, áleýmettik qoldaý, memlekettiń jastar saıasaty týraly zań jobasyn daıarlaý sekildi sharalar qamtylǵan», - dep túıindedi S. Ahmetov.