Úkimet basshysy jańa oqý jylynda balalardyń qaýipsizdigine basa kóńil bólýdi tapsyrdy

NUR-SULTAN. QazAqparat – Úkimet otyrysynda Premer-Mınıstr Álıhan Smaıylov jańa oqý jylynda balalardyń qaýpisizdigine basa kóńil bólýdi tapsyrdy, dep habarlaıdy QazAqparat tilshisi.

«Іshki ister mınıstriniń baıandamasynan kórip otyrǵanymyzdaı, qazirgi tańda bilim berý obektileriniń bári birdeı qaýipsizdik talaptaryna saı emes. Bul máseleni erekshe baqylaýǵa alyp, balalardyń qaýipsizdigi úshin tez arada tıisti sharalardy qabyldaý qajet», - dedi Premer-Mınıstr.

Sonymen qatar, ol oqýshylar tasymaldaýǵa 515 jańa avtobýs satyp alynatynyn eske saldy.

«Bıyl mektepke qajetti kıim-keshek pen keńse taýarlaryn ózderi satyp alý úshin az qamtylǵan otbasylar keminde 37 myń teńge kóleminde aqshalaı qarajat alady. Mundaı kómek 470 myńnan astam balaǵa kórsetiledi», - dediÁlıhan Smaıylov.