Úkimet basshysy «Zapastaǵy ofıtserlerdi áskerı qyzmetke shaqyrý týraly» Qaýlyǵa qol qoıdy
ASTANA. 7 maýsym. QazAqparat - Premer-Mınıstr Kárim Másimov QR Úkimetiniń 2011 jylǵy 14 mamyrdaǵy №515 «Zapastaǵy ofıtserlerdi áskerı qyzmetke shaqyrý týraly» Qaýlysyna qol qoıdy.
"Áskerı mindettilik jáne áskerı qyzmet týraly" Qazaqstan Respýblıkasynyń 2005 jylǵy 8 shildedegi Zańynyń 24-babyna sáıkes Qazaqstan Respýblıkasynyń Úkimeti QAÝLY ETEDI:
1. Qosymshaǵa sáıkes sanda áskerı qyzmetke jaramdy jáne ony ofıtserler quramynyń laýazymynda ótkermegen zapastaǵy ofıtserler zańnamada belgilengen tártippen 2011 jyly eki jyl merzimge áskerı qyzmetke shaqyrylsyn.
2. Osy qaýly alǵash ret resmı jarııalanǵan kúnnen bastap on kúntizbelik kún ótken soń qoldanysqa engiziledi»,- delingen Qaýlyda.
