Úkimet basshysy tıisti vedomstvolar men ákimdikterge Búkilálemdik qysqy ýnıversıadaǵa daıyndyq jumystaryn júrgizýdi tapsyrdy

 Mundaı tapsyrmany Úkimet basshysy búgin 2017 jylǵy 28-shi qysqy Búkilálemdik ýnıversıadaǵa daıyndyq máselesine arnalǵan selektorlyq rejımdegi Úkimet otyrysynda júktedi.

Aıta keteıik, atalǵan ýnıversıada 2017 jyly Qazaqstanda ótedi.

«Stýdenttik olımpıadaǵa daıyndyq máselesi tek Almatyǵa ǵana emes, sonymen qatar barlyq óńirlerge de qatysty. Bul aýqymdy sporttyq sharaǵa 5 jylǵa jýyq ýaqyt qaldy. Al ýaqyt tez ótedi, 2017 jyldaǵy qysqy stýdenttik olımpıada oıyndary men EKSPO-17-ni ótkizýge daıyndyqty qazirden bastaý kerek. Búginde osy sporttyq sharaǵa ázirlenip jatqan jastar, oqýshylar, stýdentter 100 paıyz daıarlyqtan ótýi tıis»,-dep tapsyrdy S. Ahmetov.

Osy oraıda, Premer-Mınıstr Bilim jáne ǵylym mınıstrligine, QR Sport jáne dene tárbıesi jónindegi agenttikke, barlyq oblys ákimderimen jáne Almaty men Astana ákimdikterimen birlese sporttyq rezervin daıarlaý boıynsha tıisti sharalardy qabyldaýdy tapsyrdy.

Búkilálemdik ýnıversıada boıynsha baıandama jasaǵan mınıstr Baqytjan Jumaǵulov stýdenttik olımpıada barysynda «Medeý» muz aıdynyn, «Shyńbulaq» taý shańǵysy kýrortyn, «Suńqar» halyqaralyq shańǵy tramplıni keshenin, Almatydaǵy Balýan sholaq atyndaǵy Sport saraıyn jáne Almaty oblysyndaǵy shańǵy-bıatlon stadıonyn paıdalaný josparlanyp otyrǵandyǵyn jetkizdi.

Onyń sózine qaraǵanda, aldaǵy ýaqytta  Muz saraıy men Muz arenasy salynady. Sonymen birge Atletıkalyq aýyl boı kótermek. Osy maqsatqa Prezıdenttiń tapsyrmasy boıynsha salynyp jatqan Almatydaǵy Stýdentter qalashyǵy paıdalanylady.