Úkimet basshysy tasqyn sýdyń aldyn alý úshin ákimderge únemi tıisti taldaý sharalaryn júrgizýdi tapsyrdy
ASTANA. 19 aqpan. QazAqparat - Búgin Úkimet otyrysynda Premer-Mınıstr Serik Ahmetov óńirlerdegi bolýy múmkin tasqyn sýdyń aldyn alý boıynsha birqatar tapsyrmalar berdi.
«Tıisti shalardy tyńǵylyqty oryndaý shart. Ózen, aryq arnalary, bógetterdi nyǵaıtý, jol ınfraqurylymy men elektr jáne baılanys jelilerin saqtaý máselelerine erekshe nazar aýdarý kerek», - dep tapsyrdy S. Ahmetov. Sonymen qatar ol arnaıy tehnıkanyń ázirligi, tasqyn sý bolýy múmkin jerlerde ınertti materıaldardyń qajetti qoryn daıarlaý sharalaryn eskerýdi júktedi.
Premer-Mınıstrdiń paıymdaýynsha, halyq arasynda tıisti túsindirý jumystaryn júrgizý qajet.
«Biz búgin arnaıy aldaǵy qardyń erýine baılanysty jaǵdaıdy qarastyrdyq. Sondyqtan da óńir ákimderine jaǵdaıdyń monıtorıngin aıtarlyqtaı tyńǵylyqty júrgizýin tapsyramyn. Sınoptıkter boljamdaǵan merzim sáıkes kelmeı jatatyn kezder bolyp jatady. Osy oraıda sizder árdaıym daıyndyq tártibinde bolýlaryńyz kerek», - dep mindet júktedi S. Ahmetov.
