Úkimet basshysy tabıǵı monopolııalardy retteý salasynda zańnamany birizdendirýdi zerdeleýdi tapsyrdy

dep habarlaıdy QazAqparat.

Yqpaldastyq birlestikterge qatysty máselelerge toqtalǵan Premer-Mınıstr 2010 jylǵy qańtardyń 1-inen bastap elimiz Keden odaǵyna kirgenin, alaıda ol syrtqy kedendik shekaralardy ǵana qadaǵalaıtynyn aıtty. «Keden odaǵynyń memleket basshylary sheshim qabyldady. Elbasy bizdiń aldymyzǵa eki jyldyń ishinde ıaǵnı 2012 jyldyń qańtarynan bastap biryńǵaı ekonomıkalyq keńistikti qurý úshin qujattar daıarlaý talabyn qoıdy», dedi Úkimet basshysy.

Onda tabıǵı monopolııalardy retteý barlyq parametrler boıynsha birizdendirilýi kerektigi aıtylǵan. «Eki jyl óte tez ótýi múmkin. Sondyqtan qazir Ó. Shókeevtiń basshylyǵymen arnaıy komıssııa jumys isteıdi. Kelissózder úderisi bastaldy. Osyǵan oraı bul sátti jiberip almaýymyz qajet jáne osymen zerdeli túrde jumys isteýimiz qajet», dedi K. Másimov.

Sebebi bul birizdendirý kóptegen tarıfter boıynsha júzege asyrylatynyn jetkizgen Úkimet basshysy tarıfti qalyptastyrý Reseıde qalaı júrip jatqanyn qarastyrý kerektigin aıtyp ótti. Sonymen qatar Premer-Mınıstr biryńǵaı tarıfpen jumys isteý úshin bizge qazaqstandyq óndirisshilerge biryńǵaı básekelestik ortany qalyptastyrý boıynsha máseleni qaraý kerektigin júktedi.