Úkimet basshysy shekaradaǵy fıtosanıtarlyq jáne veterınarlyq baqylaýdy Kedendik baqylaý komıtetiniń quzyryna berýdi júktedi
Bul tapsyrmany Premer-Mınıstr búgin selektorlyq rejimdegi Úkimet otyrysynda júktedi.
QR Qarjy mınıstri Bolat Jámishevtiń sózine qaraǵanda, elimiz shekarasynda kedenshiler men shekarashylardan quralǵan eki ǵana organ bolýy tıis. Mınıstrdiń aıtýynsha, baqylaýdyń barlyq túrin Kedendik komıtettiń qaraýyna berý turǵysynda zań qabyldanǵan kezde fıtosanıtarlyq másele boıynsha ymyralyq shara qabyldanǵan kórinedi. Atap aıtqanda, bul qyzmetti atqarý úshin QR Aýyl sharýashylyǵy mınıstrliginiń qyzmetkerleri Kedendik baqylaý komıtetine ýaqytsha issaparǵa jiberilip otyrdy.
«ıAǵnı is júzinde QR AShM shekarada qyzmet jasap júr degenmen teń. Menińshe, bul qyzmetterdi kedendik komıtetke berý kerek. Al qyzmetkerlerge biliktilik talaptaryn bekitý qajet»,-dedi B. Jámishev.
Óz kezeginde QR Aýyl sharýashyly mınıstri Asyljan Mamytbekov bul máseleni qosymsha zerdeleý kerektigin atap ótti.
Qos vedomstvonyń basshylaryn tyńdaǵannan keıin K. Másimov shekaradaǵy fıtosanıtarlyq jáne veterınarlyq baqylaýǵa sońǵy núkte qoıdy. ıAǵnı, Úkimet basshysy bul másele turǵysyndaǵy talqylaýdy jabatynyn jáne osy jaıynda buǵan deıin birneshe márte qaralǵanyn aıta kele, bul baqylaý túrin Kedendik baqyl komıtetine berýdi júktedi.
