Úkimet basshysy Royal Dutch Shell kontserniniń ókilderimen kezdesti
NUR-SULTAN. QazAqparat - QR Premer-Mınıstri Asqar Mamın Royal Dutch Shell kontserniniń ókilderimen: «Halyqaralyq barlaý jáne óndirý» bólimshesiniń dırektory Endrıý Braýnmen, tereń sýly jobalar jónindegi atqarýshy vıtse-prezıdent Ýael Saýanmen, birlesken kásiporyndar máseleleri jónindegi atqarýshy vıtse-prezıdent Herald Shotmanmen kezdesý ótkizdi, dep habarlaıdy QazAqparat primeminister.kz silteme jasap.
Taraptar ekijaqty yntymaqtastyqtyń kóptegen máselelerin talqylady. Máseleni talqylaýǵa QR energetıka mınıstri Q. Bozymbaev qatysty.
E. Braýn kompanııa Qazaqstan aýmaǵynda jobalardy iske asyrýǵa qatysýdy tereńdetýge jáne is-qımyldy odan ári keńeıte túsýge múddeli ekenin habarlady. Qashaǵan jáne Qarashyǵanaq ken oryndaryn ıgerý boıynsha birlesken qyzmet, «Jemchýjına» ýchaskesinde «Qalamqas» jáne «Hazar» uńǵymalaryndaǵy jumystarǵa qatysý máseleleri qaraldy.
Kompanııa úshin perspektıvalyq baǵyttardyń biri — energııanyń balamaly kózderin damytý. Royal Dutch Shell Taraz qalasynda kún elektr stantsııasyn salý jobasy júzege asyrylýda.
QR Úkimetiniń basshysy A. Mamın kompanııanyń iri ınvestorlardyń qatarynda ekenin atap ótti. Búginde elimizde ınvestıtsııalyq jobalardy júzege asyrý úshin qolaıly jaǵdaılardy qamtamasyz etý sharalary kúsheıtilýde jáne ınvestorlardyń quqyqtaryn qorǵaý tetikteri nyǵaıtylyp jatyr.
Kezdesýdiń sońynda taraptar ózara is-qımyl salalaryn keńeıtýge jáne jańa birlesken jobalardy júzege asyrýǵa nıet bildirdi.
