Úkimet basshysy R.Túsipbekovke qıyn kezeńde atqarǵan jumysy úshin alǵys bildirdi
ASTANA. 21 qańtar. QazAqparat /Marlan Jıembaı/ - Úkimet basshysy Kárim Másimov keshe ǵana Elbasy Jarlyǵymen QR Ekonomıkalyq qylmysqa jáne sybaılas jemqorlyqqa qarsy kúres agenttiginiń
(Qarjy polıtsııasy) tóraǵasy bolyp taǵaıyndalǵan burynǵy Ádilet mınıstri Rashıd Túsipbekovti qıyn kezeńde atqarǵan jumystary úshin alǵys bildirdi.
«Rashıd Tóleýtaıuly sizdi Úkimetten jiberý, árıne, ókinishti. Óıtkeni biz birlesip, osy qıyn kezeńderde jemisti qyzmet atqardyq. Elimizdiń Ádilet mınıstrligi Úkimet jumysy júretin bazalyq mınıstrlik bolyp tabylady», - dep atap ótken Premer-Mınıstr R.Túsipbekovke mınıstrlikte atqarǵan jumystary úshin zor alǵysyn jetkizdi.
Óz kezeginde 2009 jyldan bastap ádilet organdary barlyq baǵyttar boıynsha kórsetkishterdi jaqsartýda aýqymdy jumystar atqarǵandyǵyn basa aıtqan R.Túsipbekov: «Qazirgi ýaqytta ádilet organdary alǵa qoıylǵan mindetterdi oń oryndaý ústinde. Men bizdiń jetistikterimizdi eń birinshiden ádilet organdary qyzmetkerleriniń joǵary kásibıligi men janqııarlyq eńbeginiń arqasynda dep bilemin, sol úshin de sizderge alǵysym sheksiz», - dedi.
