Úkimet basshysy óz erkimen qyzmetten ketti
ASTANA. QazAqparat - Bolgarııanyń Premer-mınıstri Plamen Oresharskı búgin eldiń bıleýshi Sotsıalıstik partııasy Eýroparlamenttegi saılaýda nashar nátıje kórsetkeni úshin otstavkaǵa jetetindigin jarııa etti, dep habarlady sheteldik BAQ.
Buǵan deıin Sotsıalıstik partııanyń kóshbasshysy Sergeı Stanıshev 5 qazanda merziminen buryn saılaý ótetindigin málimdegen bolatyn. Al mundaı sheshim parlamentke senimsizdik votýmy boıynsha daýys berýge birneshe márte bastamashy bolǵan oppozıtsııa tarabynan el Úkimetine de synnyń jıilep ketý saldarynan qabyldanǵan.
Aıta keterligi, bul nebári 2 jylǵa tolmas ýaqytta elde ótkiziletin merziminen burynǵy ekinshi saılaý bolmaq. Este bolsa, ótken jyldyń mamyrynda energııa resýrstaryna baǵanyń kúrt ósýine halyq narazylyq tanytyp, Boıko Borısov basqarǵan úkimet otstavkaǵa ketken edi.
