Úkimet basshysy otbasymen birge QR Prezıdentiniń kezekten tys saılaýynda daýys berdi
ANA. 3 sáýir. QazAqparat /Gúlmıra Álıakparova/ - Búgin, 3 sáýir kúni Qazaqstan Úkimetiniń basshysy Kárim Másimov otbasymen birge Qazaqstan Respýblıkasy Prezıdentiniń kezekten tys saılaýynda daýys berdi.
Premer-Mınıstr M.Gorkıı atyndaǵy orys drama teatrynda ornalasqan №2-shi saılaý ýchaskesine jubaıy Dılıaram Másimovamen jáne qyzy Saramen keldi.
Atalmysh saılaý ýchaskesinde tańerteńgi saǵat 8 jarymǵa deıin barlyǵy 20-dan astam baıqaýshy boldy. Onyń 5-ýi otandyq bolsa, qalǵany halyqaralyq baıqaýshylar.
Daýys berý resmı túrde bastalǵan tańerteńgi 7.00-den eki saılaý ýchaskesinde bolyp úlgergen Qazaqstandaǵy AQSh isteriniń senimdi ókili Djon Ordveı, olarda daýys berý úderisteri erejelerge sáıkes ótip jatqandyǵyn aıtty. Sondaı-aq ol, EQYU-nyń Astanadaǵy keńesiniń kásibı baıqaýshylar tobynyń saılaý nátıjesi boıynsha beretin esebi jan-jaqty ári shynaıy bolatyndyǵyna senim bildirdi.
