Úkimet basshysy órtke qarsy qyzmet salasynda eriktiler drýjınasyn qurý máselesin kóterdi

«Men búgin Úkimet otyrysyna ázirlený barysynda azamattyq qorǵanys salasy boıynsha álemdik tájirıbelerdi bir sholyp shyqtym. Álemniń keıbir memleketterinde negizgi kásibi azamattyq qorǵanysqa qatysy joq, ártúrli mamandyqtaǵy azamattardy órtke qarsy qyzmet boıynsha sertıfıkattaý tájirıbesi júrgiziledi eken. ıAǵnı, ondaı azamattar arnaıy kýrstardan ótip, erikti túrde órtke qarsy qyzmetterdi jumys isteı alady», degen Úkimet basshysy, dál osy máseleni elimizde engizýge qatysty Tótenshe jaǵdaılar mınıstriniń pikirin surady.

Óz kezeginde mınıstr Vladımır Bojko bundaı shara órt qaýipsizdigi úshin úlken rezerv bolatynyn aıtyp, sheteldikterdiń osy tájirıbesi zerdelengenin de alǵa tartty. «Máselen, Frantsııada órt sóndirýshilerdiń jartysynan astamy eriktiler. Árıne, bul sanattaǵylar belgili bir jeńildikterge ıe, áleýmettik turǵydan qorǵalǵan ári olarǵa belgilengen mólsherde zeınetaqy da taǵaıyndalady. Jáne bul asa qurmetti mamandyq bolǵandyqtan da ondaı iske jurtshylyqqa syıly, bedeli bar azamattardy qabyldaıdy», dedi V. Bojko. Mınıstrdiń aıtýynsha, órt qaýipsizdigi týraly qoldanystaǵy zańǵa sońǵy ret ózgerister engizilgende órtke qarsy eriktiler drýjınalaryn tartý jáne bul sanattaǵylardyń áleýmettik qorǵalýyn qalyptastyrý máseleleri kúsheıtilgen. «ıAǵnı, biz bul baǵdarda jumys atqarýdy qolǵa alyp kelemiz», dedi Tótenshe jaǵdaılar mınıstri.

Osyǵan baılanysty Úkimet basshysy máseleniń mánisin jete talqylaýdy júktep, naqty usynystar engizýdi tapsyrdy. «Meniń oıymsha, bundaı jumysqa barǵysy keletin eriktiler kóp. Damyǵan elderde de bul úlken suranysqa ıe. Biz de osy baǵytta jumys atqarýǵa tıispiz», dedi K. Másimov.