Úkimet basshysy onlaın-konferentsııa ótkizetin portaldy tańdady

Ol tutynýshylardyń saýaldaryna zakon.kz portalynda jaýap beredi. Bul týraly Úkimet basshysy ınternettegi óz blogynda jazdy.

«Búgin túnde, Astana ýaqyty boıynsha saǵat 00.00-de onlaın-konferentsııa ótetin alańdy tańdaý boıynsha daýys berý aıaqtaldy. Daýystardyń qorytyndysy boıynsha Zakon.kz saıty birinshi oryn aldy, oǵan 1761 daýys berildi. Daýys berýge barlyǵy 8 936 adam qatysty», - dep jazdy K.Másimov óz paraqshasynda.

Úkimet basshysy sondaı-aq «protsestiń tazalyǵy úshin «Azattyq» radıosynda da balama konferentsııa ótkizetinin» atap kórsetti.

Onlaın-konferentsııanyń kúni men ýaqyty týraly Premer-Mınıstr pm.kz saıtynda, Twitter men Facebook-tegi resmı paraqshasynda habarlaıtyn bolady.