Úkimet basshysy óńirlerde kommýnaldyq qyzmettegi debıtorlyq qaryzdy tómendetý jumystaryn jalǵastyrýdy tapsyrdy
«2013 jyldyń 31 naýryzyndaǵy jáne 20 qyrkúıektegi jaǵdaı boıynsha Pavlodar oblysynda kommýnaldyq qyzmet turǵysynda debıtorlyq qaryz joq. Jalpy alǵanda kommýnaldyq qyzmetter úshin qaryzdar kólemi aıtarlyqtaı tómendep keledi. Eger jartyjyldyq boıynsha kommýnaldyq qyzmetke boryshkerlikti 10 paıyzdan tómendetetin bolsaq, menińshe bul jaqsy nátıje. Bul turǵyda óńirlerdiń bir bóligi belsendi jumys atqarsa, qalǵandarynda osy sharalar umyt qalýda»,-dedi Úkimet basshysy.
«Kommýnaldyq qyzmet úshin debıtorlyq qaryz menedjmentke baılanysty bolsa, onda oblys, Almaty jáne Astana ákimdikterimen osy máselege jaýapty basshylardyń laýazymynyń sáıkestigi boıynsha máseleni qarastyryńyzdar. Atap aıtqanda, bul týraly qanshalyqty aıta berýge bolady?! Múmkindik bar ǵoı, ıaǵnı elimizdiń 5 óńirinde kommýnaldyq qyzmetke aǵymdaǵy qaryzdar ǵana qaldy. Qarastyryńyzdar»,-dedi S. Ahmetov Óńirlik damý mınıstrligine qarata aıtqan sózinde.
