Úkimet basshysy oblystardyń, Almaty men Astana qalalarynyń ákimderine aldaǵy jylytý maýsymyna daıyndyq jumystaryna jeke jaýapkershilik bekitýdi tapsyrdy
«Oblystardyń, Astana men Almaty qalalarynyń ákimderi aldaǵy kúzgi-qysqy jylytý maýsymyna daıyndyq jáne ony uıymdasqan túrde júrgizýge jeke jaýapkershilik bekitsin. Osyǵan oraı ınjenerlik ınfraqurylymdar, turǵyn úı-kommýnaldyq sektory jáne áleýmettik sala nysandaryn aldaǵy jylytý kezeńine daıyndaý boıynsha óńirlik shtabtardy qurýdy, kúzgi-qysqy kezeń bastalǵanǵa deıin energııa kózderine qajetti otyn kólemin jınaqtaý boıynsha jumystardy uıymdastyrýdy, sondaı-aq bıýdjettik sala jáne áleýmettik turmystyq uıymdardyń nysandaryna kómir jetkizýdi jáne kelisimsharttar jasaýdy tapsyramyn», - dedi K. Másimov.
Sonddaı-aq Premer-Mınıstr ákimderge ótken maýsymda temperatýra rejımin qamtamasyz etýde problemalar oryn alǵan áleýmettik jáne turǵyn úı nysandaryna qosymsha tekserý júrgizýdi júktedi.
