Úkimet basshysy oblys ákimdikterine Turǵyn-úı kommýnaldyq sharýashylyǵyn jańǵyrtý baǵdarlamasy aıasyndaǵy kemshilikterdi joıýdy tapsyrdy
ASTANA. 14 qarasha. QazAqparat /Rýslan Ǵabbasov/ - Búgin Úkimettegi selektorlyq keńeste QR Premer-Mınıstri Kárim Másimov oblys ákimdikterine Turǵyn-úı kommýnaldyq sharýashylyǵyn jańǵyrtý baǵdarlamasy aıasyndaǵy kemshilikter boıynsha jumystar júrgizýdi tapsyrdy.
«Bul turǵydaǵy kemshilikter boıynsha barsha oblystarda tıisti jumystar atqarylýy tıis. Osy baǵytta negizdelgen qarjy turalap qalmaý úshin baǵdarlamaǵa ózgertýler men tolyqtyrýlar engizý kerek. ıAǵnı jumystar qarqyndy iske asyrylyp jatqan óńirlerge resýrstardy artyq bólý qajet. Al bul jumystar baıaý iske asyrylyp jatqan oblystardyń jergilikti bıligi men óńirlerge tıisti suraqtar týyndap otyr», - dep atap ótti Úkimet basshysy.
Atap aıtqanda, Turǵyn-úı kommýnaldyq sharýashylyǵyn jańǵyrtý baǵdarlamasyna sáıkes, aǵymdaǵy jyly kóp páterli turǵyn-úılerdi jóndeý boıynsha eki tetik júzege asyrylýda. Osynyń aıasynda elimizdiń óńirlerinde turǵyn-úılerdi jóndeý jumystary júzege asyrylyp jatyr.
