Úkimet basshysy Munaı jáne gaz mınıstrligine 2012 jyly ishki naryqty janarmaımen qamtamasyz etý josparyn ázirleýdi tapsyrdy

Bul tapsyrmany Premer-Mınıstr Kárim Másimov Úkimettiń selektorlyq formattaǵy otyrysynda atalǵan vedomstvonyń basshysy Saýat Myńbaevqa júktedi. «Jeltoqsan aıynda siz janarmaı baǵasy kólemi boıynsha eshqandaı problema bolmaıtyndyǵyna kepil berýińiz kerek. 2012 jylǵy jaǵdaı turǵysynan alyp qaraǵanda, jeltoqsan aıynyń ishinde mende jınalys ótkizýge daıyndalyńyzdar. Qajetti balanstardy, qandaı sheshimderdi qabyldaý qajet degen syndy jaıttardy qamtyńyzdar. Men olardy bekitýge daıynmyn», dedi K.Másimov. Sonymen qatar Úkimet basshysy 2012 jyl boıy ishki naryqty janar-jaǵarmaımen qamtamasyz etýde oblys ákimderimen birlese jumys isteý kerektigin atap ótip, Reseı Federatsııasynan ákelinetin janarmaıdy óńirlerge bólý josparyn naqtylaý qajettigin basa aıtty.