Úkimet basshysy munaı óndirýshi sheteldik kompanııalardyń basshylarymen kezdesti
ASTANA. Jeltoqsannyń 3-i. QazAqparat. Búgin Úkimet basshysy Kárim Másimovtiń «Royal Dutcs Shell» kompanııasynyń atqarýshy dırektory Malkolm Brındedpen bolǵan kezdesý barysynda Qazaqstan men Shell arasyndaǵy ózara tıimdi yntymaqtastyq máseleleri talqylandy,
dep habarlaıdy Úkimettiń baspasóz qyzmeti.
M.Brınded kompanııa Qazaqstan ekonomıkasyn ınvestıtsııalaýdy, ásirese, Kaspıı teńiziniń qazaqstandyq sektoryndaǵy ken oryndaryn ıgerý jobalaryn jalǵastyrýǵa múddeli ekenin jetkizdi.
Sondaı-aq Premer - Mınıstr K.Másimovtiń «ConocoPhillips» kompanııasynyń bas atqarýshy dırektory ári basqarma tóraǵasy Djeıms Malvamen bolǵan kezdesýinde «Qashaǵan» ken ornyn ıgerýge qatysýshy kompanııalardyń birlesken qyzmetiniń barysy, sondaı - aq, «N» blogyndaǵy barlaý jumystary jóninde áńgime órbidi.
