Úkimet basshysy múgedekterdiń ómir sapasyn jaqsartý boıynsha sharalar josparynyń kelesi kezeńin ázirleı bastaýdy tapsyrdy
ASTANA. 28 mamyr. QazAqparat - QR Eńbek jáne halyqty áleýmettik qorǵaý mınıstrligine múgedekterdiń ómir sapasyn jaqsartý boıynsha sharalar josparynyń kelesi kezeńin ázirleı bastaý tapsyryldy.
Atalǵan tapsyrmany búgin 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy qarastyrylǵan Úkimet otyrysynda QR Premer-Mınıstri Serik Ahmetov júktedi.
Onyń atap ótýinshe, bul salada áleýmettk ınfraqurylym nysandaryna múgedektigi bar azamattardyń kirip-shyǵý múmkinshiligin qamtamasyz etý, medıtsınalyq-áleýmettik kómek kórsetýdi jetildirý, múgedekterdi ońaltý syndy problemaly máseleler bar.
«Qazirgi ýaqytta Memleket basshysynyń tapsyrmasymen áleýmettik jańǵyrtý aıasynda úkimette 2030 jylǵa deıin qazaqstannyń áleýmettik damýy jalpyulttyq tujyrymdamasynyń jobasy qarastyrylýda. Onyń qabyldanýymen áleýmettik sala damýynyń jańa kezeńi bastalady. Sonymen qatar «Múgedekter quqyǵy týraly» konventsııaǵa sáıkes halyqaralyq mindetteme júzege asyrylýy tıis», - dedi ol.
Elimizde múgedektigi bar árbir azamat qoǵam ómiriniń belsendi qatysýshysy bolýy úshin qajetti áleýmettik-ekonomıkalyq jaǵdaı jasalýy qajet. «Osyǵan oraı Eńbek jáne halyqty áleýmettik qorǵaý mınıstrligine basqa da múddeli memlekettik organdarmen, qoǵamdyq birlestiktermen tyǵyz jumys istep, 2014-2015 jyldarǵa arnalǵan kelesi kezeń is-sharalary josparyn ázirleýge kirisýdi tapsyramyn», - dedi S.Ahmetov.
