Úkimet basshysy mınıstrlikke qant tapshylyǵyn boldyrmaý jóninde tapsyrma berdi

ASTANA. QazAqparat – Saýda jáne ıntegratsııa mınıstrliginiń keńeıtilgen alqa otyrysyna tóraǵalyq etken Premer-mınıstr Álıhan Smaıylov vedomstvo basshylyǵyna qant tapshylyǵyn boldyrmaý jóninde tapsyrma júktedi, dep habarlaıdy «QazAqparat» tilshisi.

«Eýrazııalyq ekonomıkalyq odaq boıynsha seriktesterimiz shekteýler engizetin bolsa, olar ony bizge 2 aı buryn eskertýi kerek. Óıtkeni, biz bajsyz ákele alatyn taýarlardy kvotasyn anyqtaýymyz qajet. Sońǵy ret qalaı boldy? Bizdiń seriktester qantty óz elderinen shyǵarýǵa tyıym saldy jáne sol kezde bizge kvota berildi. Biraq, bul kvotany júzege asyrý úshin 2-3 aı ketedi. Taýardy ákelý, kelisý jáne kelisimshart jasaýǵa osyndaı ýaqyt ketedi. Biz naýryz aıynda alǵan kvota boıynsha qantty tek mamyr aıynyń sońynda ǵana elge ákeldik. Bul aralyqta elde qant tapshylyǵy boldy. Biz buǵan deıin seriktesterge bul suraqty qoıǵan kezde, olar bizdi qant jetkilikti dep sendirdi. Alaıda, onyń is júzinde basqasha bolǵanyn kórdik. Sondyqtan, sizder keńeste osy máseleni kóterýlerińiz kerek», - dep mınıstrlik ókilderine tapsyrma júktedi Álıhan Smaıylov.