Úkimet basshysy men Astana ákimi elordadaǵy Green gıpermarketiniń ashylýyna qatysty
A. Jeltoqsannyń 7-si. QazAqparat /Gúlmıra Álıakparova/ - Búgin QR Premer-Mınıstri Kárim Másimov pen Astana qalasynyń ákimi Imanǵalı Tasmaǵambetov elordadaǵy áleýmetke baǵdarlanǵan Green gıpermarketiniń ashylýyna qatysty,
dep habarlaıdy QazAqparat.
Seıfýllın jáne Ýálıhanov kósheleriniń qıylysyna ornalasqan gıpermarkette taýardyń 25 myń túri usynylyp otyr. Onyń 13 myńy - azyq-túlik jáne 12 myńy - ónerkásiptik taýarlar. Sýpermarkette et ónimderiniń - 120, taǵam ónimderiniń - 96, nannyń 20 túri, sondaı-aq torttar men bálishterdi óndiretin jeke tseh ta bar. Úkimet basshysy gıpermarket usynyp otyrǵan jeńildikter men áleýmettik azyq-túlik taýarlarynyń arzan baǵasymen tanysty. Máselen, munda 550 gramdyq 1 bólke nannyń baǵasy 35 teńge tursa, zeınetkerler, múgedekter men stýdentter úshin barlyq taýarlarǵa 5 paıyzdyq jeńildikter qarastyrylǵan. Al azyq-túlik taýarlaryn satyp alý kezinde qarajattaryńyz jetpeı qalsa, osynda ornalasqan Kaspıı banktiń ókilderine baryp, nesıe retinde alýǵa da bolady.
Al dúkenniń jalpy aýdany 6,8 myń sharshy metrdi quraıdy. 500 avtoturaq orny bar. Gıpermarkettiń ashylýy 450 adamdy jumyspen qamtýǵa múmkindik berdi.
