Úkimet basshysy Qyzylorda oblysyndaǵy MÁMS júıesin engizý barysymen tanysty
ASTANA. QazAqparat - QR Premer-Mınıstri Baqytjan Saǵyntaev Qyzylorda oblysynda mindetti áleýmettik medıtsınalyq saqtandyrý (MÁMS) júıesin engizýge daıyndyq barysymen tanysty, dep habarlaıdy primeminister.kz .
Oblystyq kópbeıindi balalar aýrýhanasynda oblystyq densaýlyq saqtaý basqarmasynyń basshysy Aqmaral Álnazarova Baqytjan Saǵyntaevqa MÁMS júıesin engizýge daıarlyq pen óńirdiń medıtsınalyq mekemeleri men densaýlyq saqtaý salasyn damytý keleshegi týraly baıandady.
Oblysta halyq arasynda aqparattyq túsindirý jumystary júrgizilip, oblystyń barlyq turǵyndarynan MÁMS júıesine qatysýshylardyń statýsy anyqtaldy. Qazirgi tańda emhanalarǵa tirkeý naýqany júrgizilip jatyr.
Balalar aýrýhanasyn aralaý kezinde, Baqytjan Saǵyntaevty mekemeniń jabdyqtalýy men kepildendirilgen tegin medıtsınalyq kómek kólemi aıasynda balalardy bilikti emdeý sharalary týraly aqparattandyrdy.
Aıta keterligi, MÁMS júıesi memleket, jumys berýshi jáne azamattar arasyndaǵy yntymaqtastyq qaǵıdalaryna negizdelgen.
Memleket halyqtyń áleýmettik osal toptaryna, jumys berýshiler - jaldamaly qyzmetkerlerine, al jumysshylar men ózin-ózi jumyspen qamtyǵan azamattar - ózderine jarna tóleıtin bolady. Osylaısha, birlesken jaýapkershilik negizinde qarajattardy tıimdi bólý qaǵıdasy iske asyrylady.
Júıeniń árbir qatysýshysy ózine qajetti medıtsınalyq jáne dári-dármek kómegin alatyn bolady, bul azamattardyń jarnasynyń somasyna baılanysty emes - mindetti medıtsınalyq saqtandyrý paketi barlyǵyna birdeı.
2017 jylǵy 1 shildeden bastap jumys berýshiler men jeke kásipkerler Áleýmettik medıtsınalyq saqtandyrý qoryna aýdarymdar men jarnalardy tóleı bastaıdy, al 2018 jylǵy 1 qańtardan bastap - memleket pen belsendi emes halyq jáne 2019 jylǵy 1 qańtardan bastap - jaldamaly jumyskerler tóleıtin bolady.
