Úkimet basshysy qurylys materıaldary sapasyn tekseretin zerthana qurýdy qatań tapsyrdy
ASTANA. 14 qańtar. QazAqparat - Aǵymdaǵy jyly Qazaqstanda qurylys materıaldary sapasyn tekseretin zerthanalar qurylady.
Búgin Úkimet otyrysynda QR Premer-Mınıstri Serik Ahmetov Óńirlik damý mınıstrine osyndaı tapsyrma júktedi.
«Bári de bizdiń standarttarǵa kelip tireledi. Biz mine 2 jyl boıy ezbelep otyrmyz ári Bolat Bıdahmetuly, (Óńirlik damý mınıstri) durys eýropalyq ne bolmasa halyqaralyq standart engize almaýdamyz. Óńirlerde sapaǵa baqylaý júrgizetin birqatar zerthana engizýimiz qajet edi. Qarańyzdarshy, Belarýsta halyqaralyq standartqa qaı qanshama zerthana qurylǵan ári olar tereze bloktary sapasyn tekseredi. Bul bizdiń úılerimizdegi energııa tıimdiliginiń mańyzdy elementteriniń biri», - dedi Úkimet basshysy.
S.Ahmetovtiń atap ótýinshe, elimizde zamanaýı kásiporyndar qurylýda. Alaıda olardyń bir bóligi halyqaralyq standarttarǵa saı eńbektense, al ekinshi bóligi qytaı, túrik materıaldarynan qajetti qurylys materıaldaryn qalypqa salyp shyǵarýda. Al olardyń taýarlary halyqaralyq standartqa saı daıyndalǵan ónimge qaraǵanda 2 esege arzan bolǵandyqtan naryqta da ótimdi.
«Bolat Bıdahmetuly, sizge bul problemany, ıaǵnı zerthanalar qurý men atalǵan standarttardy engizýdi osy jyly sheshýdi tapsyramyn. Sonda ǵana bizde úıler sapaly bolady, energııa da únemdeledi»,- dedi ol.
