Úkimet basshysy QTJ-nyń satyp alýlaryndaǵy qazaqstandyq qamtýdyń úlesin 80 paıyzǵa jetkizýdi tapsyrdy

ASTANA. Qańtardyń 12-si. QazAqparat /Ernur Aqanbaı/ - Úkimet basshysy Kárim Másimov Qazaqstan temirjoly kompanııasynyń satyp alýlaryndaǵy jobalardy júzege asyrý kezinde qazaqstandyq qamtýdyń úlesin 80 paıyzǵa jetkizýdi tapsyrdy,

dep habarlaıdy QazAqparat.

«Kompanııanyń memlekettik satyp alýlardaǵy baǵyty jaqsy, alaıda odan ári ilgerileý qajet. Árıne, qoldanystaǵy jabdyqtardyń tozyǵy jetkendigi problema. Biraq ekinshi jaǵynan bul úlken múmkindik. Sebebi biz elimizdiń temirjol kóligi mashınasynyń damýyna serpin beremiz», dedi K. Másimov búgin atalmysh kompanııanyń alqa májilisinde.

Onyń aıtýynsha, elimizdiń temirjol kóligi mashınasynyń óndirisi keleshekte syrtqy naryqta básekelese alatyn tehnologııalyq jaǵynan damyǵan óndiris bolýy tıis. «Sebebi, biz óndiristi jolǵa qoıyp alsaq, óndimderimizdi eksporttaı alamyz», dedi ol.