Úkimet basshysy kóshi-qon máselesine baılanysty naqty jospar ázirleýdi tapsyrdy
A. Tamyzdyń 24-i. QazAqparat /Qanat Mámetqazyuly/ - Búgin Úkimet úıinde ótip jatqan selektorlyq keńeste Premer-Mınıstr Kárim Másmov ІІM men Tótenshe jaǵdaılar mınıstrligine kóshi-qon máselesine baılanysty naqty josparlar ázirleýdi tapsyrdy.
«Búgin biz Memleket basshysynyń Jarlyǵyna sáıkes quqyq qorǵaý reformalaryn júzege asyrý boıynsha mınıstrler men vedomstvolardyń fýnktsııalaryn bólý týraly Qaýly qabyldadyq. Osyǵan baılanysty ІІM aıasynda kóshi-qon polıtsııasy komıteti qurylady. Sondyqtan tıisti fýnktsııalar eńbek mınıstrliginen ІІM-ne ótedi. Endigi kezekte kóshi-qon máselesine baılanysty ІІM men Tótenshe jaǵdaılar mınıstrligi birlese otyryp bul baǵytta naqty josparlar ázirlep usynýdy tapsyramyn», dedi K. Másimov.
Bul rette Úkimet basshysy kóshi-qonnyń keıde josparly, keıde jospardan tys bolatynyn eske sala kele, atalǵan máselede naqty baǵyttar bolýy, tıisti sharalar qamtylýy qajettigin alǵa tartty.
«Sondyqtan da, kóshi-qon máselesin júzege asyrý týraly naqty is-sharalar jospary bolýy tıis, osy aptada ázirleńder», dedi Úkimet basshysy.
