Úkimet basshysy kóktemgi sýdan zardap shekken Batys Qazaqstan turǵyndaryna kómektesýge ýáde berdi
ASTANA. 13 sáýir. QazAqparat /Damır Baımanov/ - Premer-Mınıstr Kárim Másimov kóktemgi sýdan zardap shegip otyrǵan Batys Qazaqstan oblysynyń turǵyndaryna kómektesýge ýáde berdi.
Bul týraly Úkimet basshysy Twitter-degi óz paraqshasynda jazdy.
«V.Bojko habarlasty. Batys Qazaqstan oblysyndaǵy jaǵdaı týraly baıan etti. Kómek kórsetiledi. Halyqty qıyn jaǵdaıda qaldyrmaımyz», - dedi K.Másimov óz jazbasynda.
Esterińizge sala keteıik, Batys Qazaqstannyń tórt aýdany men Oral qalasynyń aýmaǵyn erigen qar sýy basyp qalǵan bolatyn. Jalpy eseppen eki júzdeı úıdi sý basyp qalǵan, qaýipti aýmaqtan 700-den astam adam kóshirilgen.
