Úkimet basshysy kóktemgi egis naýqanyna qatysty birqatar tapsyrma júktedi
NUR-SULTAN. QazAqparat – Búgin Úkimet otyrysynda Premer-Mınıstr Asqar Mamın kóktemgi egis naýqanyn sapaly ótkizý baǵytynda birqatar tapsyrama berdi, dep habarlaıdy QazAqparat tilshisi.
«Jalpy kóktemgi egis jumystaryna daıyndyq ýaqytyly júrgizilip jatyr. Úkimet tarapynan kóktemgi egistikti qarjylyq jáne materıaldyq-tehnıkalyq qamtamasyz etý boıynsha barlyq qajetti sheshimder qabyldandy. Alaıda keıbir oblystarda tuqymdy, aýyl sharýashylyǵy tehnıkasyn daıyndaý jospardan keshiktirilip júrgizilýde», - dedi A. Mamın.
Sonymen qatar Úkimet basshysy barlyq derlik óńirlerde tyńaıtqyshtar boıynsha sýbsıdııanyń normasy bekitilmegenin atap ótti.
«Aýyl sharýashylyǵy mınıstrligi men ákimdikter kóktemgi egis jumystaryn sapaly júrgizý boıynsha barlyq qajetti sharalardy ýaqytyly qabyldasyn. Energetıka mınıstrligi qajetti otyn kólemin bekitilgen keste men baǵaǵa sáıkes jetkizýdi qamtamasyz etsin», - dep tapsyrdy Premer-Mınıstr.
Munymen qosa Asqar Mamın «QazAgro» UBH» AQ-ǵa qarajatty tıimdi paıdalanýdy jáne olardyń aýyl eńbekkerleri úshin qoljetimdiligin qamtamasyz etýdi júktedi.
Osy oraıda Úkimet basshysy bul baǵyttaǵy úılestirý sharalaryn orynbasary Roman Sklıarǵa tapsyrdy.
