Úkimet basshysy Qazaqstannyń densaýlyq saqtaý salasyndaǵy jetistikterin aıtyp berdi
«40 jyl buryn biz úshin densaýlyq saqtaý salasyndaǵy eń mańyzdy qujat - Almaty deklaratsııasy qabyldanǵan bolatyn. Qujat erekshe sıpatqa ıe. Sebebi, el tarıhynda birinshi ret azamattar densaýlyq saqtaý qyzmetterin alý quqyǵyna resmı túrde ıe bolǵan edi. 1991 jyly Qazaqstan táýelsizdigin alǵaly beri biz áleýmettik-ekonomıkalyq sektorda birshama reformalardy júzege asyrdyq. Medıtsınalyq-sanıtarlyq alǵashqy kómek (MSAK) - elimizdiń densaýlyq saqtaý salasyndaǵy basty basymdyq. 27 jyl ishinde biz MSAK salasynda ınfraqurylymdy retke keltirip, 1800-ge tarta aýrýhana men ambýlatorııalyq ortalyqtyń jumys istep turýyna qol jetkizdik. Olar kepildi túrde asa aýqymdy medıtsınalyq qyzmetterdi kórsetedi», - dedi Baqytjan Saǵyntaev.
Úkimet basshysynyń aıtýynsha, sońǵy on jylda Qazaqstannyń densaýlyq saqtaý salasy aýrýlardyń aldyn alýǵa basymdyq berip keledi.
«Biz jyl saıyn skrınıng ótkizemiz. Oǵan eresek adamdar tartylady. Bizde sonymen birge, jyl saıyn 5 mıllıon adamdy tekseristen ótkizetin baǵdarlama bar. Densaýlyq saqtaý salasynyń búgingi júıesi elimizdiń jaıly damýynyń irgetasy bola alady. Qazaqstan Prezıdenti Nursultan Nazarbaev óz sózinde atap ótkendeı, biz atalmysh baǵytta da modernızatsııa júrgizip jatyrmyz. Negizgi mindet - EYDU standarttaryna sáıkes densaýlyq saqtaý salasy júıesin ary qaraı damytý», - dedi Premer-mınıstr.
Baqytjan Saǵyntaev 2019 jyldan bastap Qazaqstandaǵy barlyq aýrýhanalar tsıfrlyq, ıaǵnı qaǵazsyz júıege kóshiriletinin atap ótti.
«Barlyq azamattar 2020 jylǵa qaraı elektrondy medıtsınalyq kýálikke ıe bolady. 2019 jyly Astanada Onkologııalyq ortalyqtyń qurylysy bastalady. Densaýlyq saqtaý salasynyń memlekettik baǵdarlamasy, sonymen birge, ómir deńgeıin jaqsartýdy, salaýatty ómir saltyn saqtaýdy da kózdeıdi. Sondyqtan, belsendi ómir saltyn qalyptastyrýda birshama jumystar iske asyrylyp jatyr. Aldyn alý sharalaryna basa mańyz berilýde. Biz 100-ge tarta fıtnes-ındýstrııa keshenin salyp jatyrmyz. Álemde ózgerister oryn alyp, jańa tehnologııalar jumysty retteýdi talap etip otyrǵanyn túsinemiz», - deıdi ol.
Premer-mınıstr óz sózinde medıtsınalyq-sanıtarlyq alǵashqy kómektiń resýrstardy talap etip otyrǵanyn biletinin jetkizdi.
«Medıtsınalyq-sanıtarlyq alǵashqy kómek boıynsha Astana deklaratsııasy medıtsına salasynda álemdik kún tártibiniń qozǵaýshy kúshi bolary aıqyn. Memleketter MSAK salasyn damytýda kúshterin jumyldyryp otyr. Astanadaǵy jahandyq konferentsııa osy ýaqytqa deıin aýqymdy suraqtarǵa jaýap tabýǵa sep bolar degen senimdemin», - dedi Baqytjan Saǵyntaev.
Eske sala ketsek, elordada búgin medıtsınalyq-sanıtarlyq alǵashqy kómek jónindegi Jahandyq konferentsııa ótip jatyr. Jıynǵa álemniń 120 elinen medıtsına salasynyń basshylary men bilikti mamandary kelip otyr. Olardyń qatarynda Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs, ıÝNISEF atqarýshy dırektory Genrıetta For, DDU Eýropa óńirlik bıýrosynyń dırektory Jýjanna ıAkab bar.