Úkimet basshysy qazaqstandyq astyqty eksporttaý men azyq-túlik qaýipsizdigi máseleleri boıynsha Ekonomıkany jańartý jónindegi memlekettik komıssııanyń otyrysyn ótkizdi
ASTANA. Tamyzdyń 26-sy. QazAqparat - Búgin kúnniń birinshi jartysynda Qazaqstan Respýblıkasynyń Premer-Mınıstri Kárim Másimov QR Úkimeti janyndaǵy Ekonomıkany jańartý jónindegi memlekettik komıssııanyń otyrysyn ótkizdi, dep habarlaıdy Úkimet basshysynyń baspasóz qyzmeti.
Memlekettik komıssııa músheleri qazaqstandyq astyqty eksporttaý máselelerin, azyq-túlik qaýipsizdigin qamtamasyz etý, sondaı-aq qurǵaqshylyqtan zardap shekken aımaqtarǵa memlekettik qoldaý kórsetý sharalaryn júzege asyrý máselelerin talqyǵa saldy.
Sonymen qatar QR Úkimet basshysy K.Másimov kóshi-qon saıasaty jónindegi máseleler boıynsha keńes ótkizdi. Zańsyz kóshi-qonǵa qarsy sharalar men oralmandardy beıimdeý sharalary qarastyryldy.
