Úkimet basshysy qazaq mádenıetin álemdik arenaǵa shyǵarýǵa kóńil bólýdi tapsyrdy
ASTANA. Qańtardyń 25-i. QazAqparat /Ernur Aqanbaı/ - Premer-Mınıstr Kárim Másimov Mádenıet jáne aqparat mınıstrligine qazaq mádenıetin álemdik arenaǵa shyǵarý boıynsha aýqymdy jumystar jasaýdy tapsyrdy.
Ol bul tapsyrmany atalmysh mınıstrliktiń búgingi keńeıtilgen alqa májilisinde berdi, dep habarlaıdy QazAqparat.
Úkimet basshysynyń aıtýynsha, bul úshin jastardyń bilimine kóp mán bergen jón. Balalarǵa, jastarǵa arnalǵan jańa týyndylar jazý mańyzdy bolyp tur. «Sondaı-aq bizge búgingi ómir, táýelsizdik taqyrybyna arnalǵan jańa opera, balet jáne dramalyq shyǵarmalar asa qajet», dedi K. Másimov.
Úkimet basshysy sonymen qatar mınıstrlikke ulttyq kıno salasyn barynsha damytý mindetin qoıdy.
