Úkimet basshysy qazaq kásipkerlerine paıda tabý jolyn kórsetti

ASTANA. QazAqparat - Búgin «Atameken» UKP-nyń IV sezi barysynda QR Premer-Mınıstri Baqytjan Saǵyntaev kásipkerlerge elimizdiń aýmaǵy arqyly ótetin tranzıttik kólikterdi taýarlaryn eksportqa shyǵarý úshin paıdalanýǵa keńes berdi, dep habarlaıdy QazAqparat.

Úkimet basshysy óz sózinde QHR Tóraǵasy Sı Tszınpınniń Qazaqstan «Jibek jolyn jańǵyrtý» baǵdarlamasyn damytýda chempıon sanalatyndyǵyn aıtqanyn eske salyp ótti.

«Kóptegen jobalar biz arqyly ótedi. Soǵan baılanysty biz tranzıttik paıda tabamyz dep aıtamyz. Biz nelikten tek tranzıtten ǵana paıda tabý mindetin qoıamyz? Biz arqyly ótetin tranzıtke ózimizdiń taýarlarymyzdy nege tıemeımiz? Solaı jasasaq munan da kóp paıda tabatyn edik qoı. Bizdiń aldymyzda turǵan mindet osy. Jáne bul turǵyda jedel jumys isteýimiz kerek. Buǵan qosa, kóliktik logıstıka, týrızm, bilim berý, densaýlyq saqtaý bar. Onda da bizdiń áleýetimiz óte zor», - dedi Baqytjan Saǵyntaev.