Úkimet basshysy qaı salada kadrǵa suranys artatynyn eskertti
«Tehnologııalyq jáne tsıfrlyq serpilistiń asa mańyzdy quraldarynyń biri - sapaly adamı kapıtal. Elimizdiń ІT salasyna jyl saıyn birneshe myń bilikti mamanǵa suranys týyndaıdy. Osy saladaǵy kadrlarǵa degen suranys únemi ósetin bolady. Degenmen, qazirgi tańda bizde osyndaı mamandardy daıyndaý halyqaralyq standarttarǵa saı kele bermeıdi», - dedi Úkimet basshysy.
Onyń aıtýynsha, atalǵan mindetti sheshý úshin jaqynda elordada Halyqaralyq ІT ýnıversıteti ashyldy. Buǵan qosa, Astana Hub-ta «Álem» bilim berý baǵdarlamasy qoldanylyp jatyr.
«Ol frantsýzdyq áriptestermen birge daıyndalǵan. Belgili amerıkalyq «Kvazar« kompanııasymen birge osyndaı jobalardy bastaýǵa daıyndyq júrip jatyr. Bul birinshi kezeńde jyl saıyn 1 myńnan astam ІT mamandaryn oqytyp shyǵarýǵa múmkindik beredi. Sondyqtan Tsıfrlyq damý mınıstrligine Bilim mınıstrligimen birge ІT mamandaryn sapaly daıyndaý jumysyn álemdegi úzdik tájirıbelelerdi qoldana otyryp jandandyrýdy tapsyramyn», - dedi ol.
Úkimet basshysy aqyldy qala jobalaryn iske asyrýǵa erekshe nazar aýdarý qajettigin de basa aıtty.
«Qalalardyń tynys-tirshiligine tsıfrlyq tehnologııalardy engizý máselesin Úkimettiń aldaǵy otyrystarynyń birinde qaraıtyn bolamyz», - dep eskertti Asqar Mamın.