Úkimet basshysy Kárim Másimov QR Din isteri jónindegi agenttik ujymyna jańa basshyny tanystyrdy
ASTANA. 7 maýsym. QazAqparat /Marlan Jıembaı/ - Úkimet basshysy Kárim Másimov QR Din isteri jónindegi agenttik ujymyna jańa basshyny tanystyrdy. Memleket basshysynyń Jarlyǵymen atalǵan agenttiktiń qurylǵandyǵyn aıta kele Premer-Mınıstr: «Búgin men Qaırat Lama Sharıf Qaıyrbekulyn QR Din isteri jónindegi agenttiktiń tóraǵalyǵyna taǵaıyndaý týraly qaýlyǵa qol qoıdym», - dedi.
Sondaı-aq din óte názik másele ekendigin basa aıtqan Úkimet basshysynyń paıymynsha, memleket dinmen baılanysty máselelerde halyqtyq qozǵalystarmen aldyn ala kelisýi úshin jaýapty saıasat júrgizýi kerek.
Óz kezeginde zor senim artyp otyrǵan Úkimetke alǵysyn bildirgen Qaırat Lama Sharıf: «Táýelsizdigimizdiń 20 jyldyǵy aıasynda osyndaı sheshim qabyldaý, din isteri jónindegi agenttik qurý óte jaýapty ári mańyzdy is. Sondyqtan sizdermen birge alǵa qoıylǵan mindetterdi oryndaımyz degen senim bildirgim keledi», - dedi.
