Úkimet basshysy Kárim Másimov "I-MIX - 2011" Birinshi qazaqstandyq ınternet-konferentsııasyna qatysty

Bul týraly QR Mınıstrler kabınetiniń basshysy Facebook-tegi jeke paraqshasynda habarlady.

Internet-konferentsııa barysynda IT salanyń mamandary Qaznetti damytý jáne bıznes pen memlekettik sektordyń tıimdiligin arttyrýǵa arnalǵan joǵary tehnologııalar máselelerin talqylady.

Konferentsııaǵa qatysýshylardyń saýaldaryna jaýap bere kele, K.Másimov Qazaqstannyń ekonomıkalyq ósimi, ınnovatsııalyq áleýettiń nyǵaıýy jáne básekelestiktiń artýy IT salanyń damýymen baılanysty ekenin atap ótti.