Úkimet basshysy Kárim Másimov І «KADEX-2010» halyqaralyq kórmesinde boldy
ASTANA. Mamyrdyń 28-i. QazAqparat - Búgin Premer-Mınıstr Kárim Másimov Astanada Qazaqstan Áskerı-Áýe kúshteriniń avıatsııalyq bazasynyń aýmaǵynda ótip jatqan Qarý-jaraq, áskerı tehnıka jáne áskerı-tehnıkalyq múlikterdiń І «KADEX-2010» halyqaralyq kórmesinde boldy,
dep habarlady Úkimet basshysynyń baspasóz qyzmetinen.
Kórmege álemniń 20 elinen kelgen 200-den astam kompanııanyń qarý-jaraqtar men áskerı tehnıka, IT-tehnologııa jáne baılanys, qurylys jáne ınfraqurylym, sondaı-aq tyl múlikteri men áskerı medıtsına salalarynyń ónimderi qoıylyp otyr.
Premer-Mınıstrdiń nazaryna Qazaqstan Respýblıkasy Qarýly kúshteriniń áskerı tehnıka úlgileri men arnaýly bólimderiniń qatysýymen kórneki baǵdarlamasy usynyldy.
