Úkimet basshysy Kárim Másimov birqatar ekijaqty kezdesýler ótkizdi

ASTANA. 2 shilde. QazAqparat - 1 shilde kúni Premer-Mınıstr Kárim Másimov birqatar ekijaqty kezdesýler ótkizdi, dep habarlanǵan QR Úkimet basshysynyń feısbýgynda.

EýrAzEQ Bas hatshysy Taıyr Mansurovpen bolǵan kezdesýinde Keden odaǵy sheńberindegi saýda-ekonomıkalyq yntymaqtastyq, sondaı-aq EýrAzEQ keńistiginde Biryńǵaı ekonomıkalyq keńistikti qalyptastyrý máseleleri talqylandy.

Qazaqstan kásipodaqtary Federatsııasynyń tóraǵasy Sııazbek Muqashevpen bolǵan kezdesý barysynda bıýdjettik sala qyzmetkerleriniń eńbekaqysy ósiminiń oń qarqyny atap ótildi (1 shildeden bastap onyń kólemi 30 % ulǵaıtyldy). Sondaı-aq, áleýmettik seriktestik jáne 2009-2011 jyldarǵa arnalǵan úshjaqty Bas kelisimdi iske asyrý máseleleri talqylandy.