Úkimet basshysy qala ákimine elordadaǵy balabaqsha jobalaryn oryndaý qajettigin tapsyrdy
A. Jeltoqsannyń 7-si. QazAqparat /Rýslan Ǵabbasov/ - Búgin Úkimette ótip jatqan selektorlyq keńeste balabaqshalar máselesi áleýmettik jaǵynan mańyzdy bolǵandyqtan ony birinshi kezekte josparǵa qoıý kerektigi aıtyldy,
dep habarlaıdy QazAqparat.
Elordadaǵy kóptegen máselelerdiń sheshilgenine toqtalǵan Premer-Mınıstr qala ákimi Imanǵalı Tasmaǵambetovke aldaǵy merekelik sharalar Astanada shoǵyrlanatynyn, osyǵan baılanysty bul merekelerdi jospar boıynsha ótkizý turǵysynda ony udaıy baqylaýda ustaýdy tapsyrdy. Sonymen qatar K. Másimov benzın, azyq-túlik ónimderiniń baǵasyn qadaǵalaý kerektigin jetkizdi. Úkimet basshysy qala ákimine aldaǵy jyly, sondaı-aq 2011 jyldary balabaqshalar boıynsha jobalardyń barlyǵyn oryndaý kerektigin jetkizdi. «Qajetti sheshimderdiń barlyǵy qabyldandy, resýrstar bólindi. Endi qala kúnine qaraı Elbasy bul nysandardy aralaıtyn bolady. Bul áleýmettik másele bolǵandyqtan, ony birinshi kezekte josparǵa qoıý kerek», dedi Úkimet basshysy.
K. Másimov jaqyn arada Almatyǵa saparmen baratynyn aıta kele: «Basty nazar mektepke deıingi mekemeler men Azıada nysandarynyń qurylysyna arnalatyn bolady. Almatydaǵy balabaqshalar máselesin sheshý úshin mektepke deıingi mekemeler boıynsha Úkimettiń arnaıy qaýlysyn qabyldaımyz», dedi Premer-Mınıstr Almaty qalasynyń ákimi Ahmetjan Esimovke qaratyp aıtqan sózinde.
