Úkimet basshysy K. Másimov hıdjab kııýge qatysty kózqarasyn bildirdi
ANA. 15 shilde. QazAqparat /Jasulan Amanbaıuly/ - Bılik hıdjab kııýge tyıym salý qadamdaryna barmaýy tıis. Bul týraly búgin beıne-onlaın konferentsııa barysynda QR Premer-Mınıstri Kárim Másimov málim etti.
Úkimet basshysy Zakon.kz portalynda tikeleı efır arqyly onlaın-konferentsııa ótkizýde.
«Hıdjab - Qazaqstanda ǵana emes, barlyq memleketterde saıasılandyrylyp ketken. Men jaqynda Frantsııa elinde bolǵanymda, bul másele eń joǵary deńgeıge qoıylǵan»,- deıdi Úkimet basshysy.
«Jaqynda memleket basshysy atalmysh máselege oraı óz pikirin aıtty. Endi men ózimniń oıymdy jetkizeıin: óz pikirin bildirý arqyly Prezıdent óte durys istedi dep esepteımin, óıtkeni qazaqtarda tarıhı salt boıynsha ózindik bas kıim formalary qalyptasqan», - dedi Úkimet basshysy.
«Men bılik hıdjab kııýge tyıym salý qadamdaryna barmaýy tıis dep esepteımin. Biz ony Qazaqstanda zańdyq turǵyda tyıym salmaımyz», - dedi ol.
Onyń aıtýynsha, kez kelgen adamnyń dinı senimine syılastyqpen qaraýymyz kerek. Basqa qyrynan alyp qaraǵanda, onyń oıynsha, shynaıy senimge eshbir qatysy joq ekstremaldy formalarǵa qatań qaraý qajet jáne Úkimet pen memleket olarǵa qatysty tıisti saıasat júrgizýi tıis.
