Úkimet basshysy K. Másimov daýys berýge qatysty

ASTANA. QazAqparat - Búgin elimizde ótip jatqan Parlament Májilisiniń depýtattary men jergilikti máslıhattardy saılaýyna oraı QR Premer-Mınıstri Kárim Másimov daýys berýge qatysty. Ol óz tańdaýyn Astana qalasyndaǵy M. Gorkıı atyndaǵy memlekettik akademııalyq orys drama teatrynda ornalasqan №99 saılaý ýchaskesinde jasady.

Osy ýchaskede QR Qarjy mınıstri Baqyt Sultanov ta daýys berýge qatysyp, óz tańdaýyn jasady.

Eske salaıyq, búgin 20 naýryz kúni tańerteńgi saǵat 7.00-de elimizde Parlament Májilisiniń depýtattaryna daýys berý bastaldy. Sonymen qatar oblystyq, aýdandyq jáne qalalyq máslıhattardyń depýtattaryna da daýys berý bastalyp otyr. Jergilikti ýaqyt boıynsha tańǵy saǵat 7.00-den keshki saǵat 20.00-ge deıin 9840 saılaý ýchaskesinde daýys berý ótedi, munan bólek shetelde 65 saılaý ýchaskesi jumys isteıdi.

9 791 165 qazaqstandyq daýys berýshiler tizimine engizilgen.

Parlament Májilisine 107 depýtat saılanady: onyń 98 i partııalyq tizimmen, toǵyzy Qazaqstan halqy Assambleıasy atynan Májiliske ótedi. Al jergilikti ókildik etetin bılik máslıhattarǵa barlyq deńgeıdegi 3335 depýtat saılanady. Olardyń 550 máslıhat, 625 qalalyq, al 2160 aýdandyq máslıhat depýtattary.