Úkimet basshysy K. Másimov aldaǵy jazda respýblıka óńirlerin aralap, jergilikti jaǵdaımen naqty tanysýdy josparlap otyr

Bul týraly búgin  QR Parlamenti palatalarynyń birlesken otyrysynda 2011 jylǵy respýblıkalyq bıýdjettiń atqarylýy týraly QR Úkimetiniń esebi men Respýblıkalyq bıýdjettiń atqarylýyn baqylaý jónindegi esep komıtetiniń qorytyndysyn talqylaý barysynda Úkimet basshysy Kárim Másimov málim etti.

«Depýtattyq korpýs tarapynan kóterilgen máselelerdiń barlyǵy oryndy. Bulardyń ózi Úkimette arnaıy bir otyrys ótkizip talqylaýǵa júk bolatyn túri bar. Sonymen qatar, men aldaǵy jazda respýblıkamyzdyń barlyq derlik óńirlerine sapar jasaımyn. Onda jetken tabystarmen qosa, kemshilikterdi de jergilikti oryndarda kózben kórgim keledi», - dedi Kárim Másimov.

Bul rette Premer-Mınıstr óńirlerde qurylysy shektelgen árbir áleýmettik nysanǵa jaýapty tulǵalar bar ekenin, solardyń naqty mindetterin qarastyratynyn jetkizdi. «Úkimet Keńsesine naqty tapsyrmalar júkteımin. Búgingi aıtylǵan máseleler taǵy da pysyqtalýy tıis», - dedi Úkimet basshysy.