Úkimet basshysy iske qosylatyn bıtým zaýyty men Batys Qytaı-Batys Eýropa kólik dálizi qurylysyn ózara baılanystyrýdy tapsyrdy

ANA. Qarashanyń 3-i. QazAqparat /Rýslan Ǵabbasov/ - Búgin Úkimet otyrysynda Premer-Mınıstr Kárim Másimov iske qosylatyn bıtým zaýyty men Batys Qytaı-Batys Eýropa kólik dálizi qurylysyn ózara baılanystyrýdy tapsyrdy,

dep habarlaıdy QazAqparat.

 «Samuryq-Qazyna» ál-aýqat qorynyń basshysy Qaırat Kelimbetovtyń aıtýynsha, bıtým zaýytynyń 2010 jyldyń sońyna deıin salynýy josparlanyp otyr.

 «Batys Eýropa-Batys Qytaı kólik dáliziniń qurylysy men bıtým zaýytyn salý ózara baılanystyrylǵan ba?»,  degen Úkimet Basshysynyń saýalyna Kólik jáne kommýnıkatsııa mınıstri Ábilǵazy Qusaıynov: «Atalǵan kólik dálizine 400 myń tonna bıtým qajet bolady. Joldyń ústińgi qabatyna tóseletin bıtým 2011 jyldyń ekinshi jartyjyldyǵynan bastap paıdalanylady. Sol ýaqytqa deıin zaýyt iske qosylady»,  dep jaýap berdi.