Úkimet basshysy Investıtsııalyq ahýaldy jaqsartý keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Investıtsııalyq ahýaldy jaqsartý keńesiniń kezekti otyrysy ótti, dep habarlandy primeminister.kz saıtynda.
Otyrys barysynda shetel ınvestorlarynyń Qazaqstandaǵy bıznes úderisterdi, sonyń ishinde telekommýnıkatsııalar jáne saqtandyrý ındýstrııasy sektorlaryndaǵy úderisterdi qaıta retteýge qatysý máseleleri talqylandy.
Memleket basshysy óziniń «Qazaqstannyń úshinshi jańǵyrýy: jahandyq básekege qabilettilik» Joldaýynda Úkimetke osy jyldyń 1 shildesine qaraı damyǵan elderdiń úzdik standarttary men tájirıbelerin engizý arqyly bıznesti qaıta retteýdiń júıelik sharalaryn ázirleýdi tapsyrdy. Osyǵan oraı Keńes músheleri atalǵan úderiske shaǵyn jəne orta halyqaralyq kompanııalardyń ókilderin tartý jónindegi óz usynystaryn bildirip, sondaı-aq, bıznes básekelestigine kedergi keltiretin normalardy anyqtaý men barlyq shyǵyndaryn tómendetý turǵysynan zańnamany tekserý máselelerin qarady.
