Úkimet basshysy ınflıatsııany tómendetýge qatysty túsinik berdi

NUR-SULTAN. QazAqparat – Úkimet Ulttyq bankpen jáne jergilikti atqarýshy organdarmen birlese ınflıatsııany tómendetý turǵysynda is-sharalar keshenin iske asyryp jatyr. Bul týraly búgin Úkimettiń keńeıtilgen otyrysynda І jartyjyldyqtaǵy áleýmettik-ekonomıkalyq damý qorytyndysyn talqylaý kezinde Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Inflıatsııanyń deńgeıi jyldyq mánde 14,5 paıyzdy qurady. Onyń negizgi faktorlary retinde álemdegi qolaısyz geosaıası jaǵdaı, taýar naryqtaryndaǵy jahandyq baǵanyń ósýi, kórshi elderden keıbir taýarlardy ımporttaýǵa tyıym salý boldy. Inflıatsııany tómendetý úshin Úkimet Ulttyq bankpen jáne jergilikti atqarýshy organdarmen birlesip, ınflıatsııany baqylaý jáne tómendetý turǵysynda is-sharalar keshenin iske asyryp jatyr», - dedi Á. Smaıylov.

Osy oraıda ol bul qadamdar otandyq ónim óndirý kólemin ulǵaıtýǵa, saqtaý men tasymaldaý tetikterin damytýǵa, baǵa belgileýdi baqylaýǵa, monopolııaǵa qarsy jáne syrtqy saýdany retteýge baǵyttalǵanyn aıtty.

«Sondaı-aq, ımporttyq táýeldilikti azaıtý boıynsha ınvestıtsııalyq jobalar júıeli negizde iske asyrylyp jatyr. Azyq-túlik taýarlary máselesin júıeli sheshý úshin Azyq-túlik qaýipsizdigin qamtamasyz etýdiń jospary qabyldanyp, iske asyrylyp otyr», - dedi Úkimet basshysy.

Foto: primeminister.kz